Carlos Cobos adxudícase o Tríptico Ruta do Albariño de ciclismo
Por Redacción
O ciclista do Mutua Levante Delikia, Carlos Cobos, adxudicouse a calsificación xeral do III Tríptico Ruta do Albariño, celebrado este fin de semana en Meaño e Cambados para as categorías Júnior e Sub-23.
Cobos logrou manter a súa vantaxe na etapa final, con saída e chegada en Cambados, na que o seu equipo logrou controlar os ataques para conservar a renda lograda na primeira xornada.
O sábado a competición iniciouse cunha cronoescalada que ao cabo sería definitiva, pois a vantaxe de 12 segundos alcanzada na ascensión ao Alto de Busto (Meaño) por parte de Carlos Cobos valeulle para alzarse cun liderado que non abandonaría.
Alejandro Regueiro (Muebles Compostela) e Miguel Ángel Boronat (Mutua Levante) fixéronse cos triunfos parciais das dúas probas en ruta.
Antes de iniciar a última etapa, na mañá do domingo, o pelotón protagonizou un acto simbólico en repulsa dos accidentes que sofren os ciclistas, como o suceso no que oito deportistas resultado feridos este mesmo fin de semana en Oia ao ser atropelados por un vehículo.