Entradas a 10 euros para o Arosa-Deportivo, 5 euros para os socios
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Os socios do Arosa deberán pasar pola billeteira para ver o encontro amigable do próximo xoves 11 de setembro ante o Real Club Deportivo, pero farano a metade de prezo.
O club vilagarcián fixou o prezo das entradas en 10 euros para o público en xeral 5 euros para os socios arosistas, que aínda poden retirar o carné e beneficiarse do desconto.
Os menores de 16 anos pasarán de balde ao estadio da Lomba nun encontro que se iniciará ás 20:30 horas.
As entradas poden adquirirse nas oficinas do club, no propio estadio, de luns a venres en horario de 17:00 a 21:00 horas, mesmo horario dispoñible para renovar uns abonos de tempada fixados en 50 euros, 30 para as peñas. Ademais existen opcións de abonos familiares (70 euros dous carnés ou 100 euros tres).