Leis Femenino e Poio FS reviven os seus derbis no Municipal con triunfo visitante (1-2)
Por Redacción
Ningún dos dous equipos podía optar xa á única praza que dá a clasificación para a seguinte rolda da Copa Xunta, pero Leis Femenino e Poio Fútbol Sala aproveitaron o seu enfrontamento para rememorar os intensos derbis de hai só dúas tempadas.
O Pavillón Municipal dos Deportes de Pontevedra foi escenario dun duelo marcado pola igualdade e que caeu do lado visitante por un apertado 1-2.
O Poio levou a iniciativa dende o inicio do choque, cun equipo lerezano repregado en media pista pero que intentaba saír con perigo en rápidas transicións á contra. O guión mantívose estable ata o segundo período sen cambios no marcador, principalmente pola boa actuación das gardametas.
Xa na segunda parte Gema adiantou o Leis, pero pronto Raquel Souza puxo a igualada para as vermellas. As rapazas adestradas por Morenín decidiron o choque no último minuto co 1-2 obra de Claudia.
Un partido en definitiva que confirma as boas sensacións das pontevedresas ante un equipo de superior categoría e que serve ás vermellas para preparar a segunda xornada de liga en Primeira División.
Relacionadas:
-
Complicado inicio de liga para o Leis feminino coa visita do Soto del Real
Por Redacción |
-
O Poio FS desperdicia dous goles de renda e remata empatando (2-2) en Bilbao
Por Redacción |
-
Cómodo triunfo do Poio FS (5-1) sobre un Viaxes Amarelle que non inquieta
Por Ramiro Espiño |
-
Derrota en Ourense (8-3) para o Leis feminino no seu debut en Copa Xunta
Por Redacción |