Expectación ante o derbi do domingo entre Pontevedra e Arosa en Pasarón
Por Diego Espiño
Pasarón vivirá o próximo domingo (17:00 horas) un apaixonante derbi entre Pontevedra e Arosa coa que se espera mellor entrada da tempada.
A expectación é máxima tras os últimos resultados do cadro granate e a boa marcha dos vilagarciáns. Non en van ambos os dous equipos ocupan actualmente praza de play-off de ascenso.
O club granate fixo público o prezo das entradas e activou ademais a venda anticipada nas súas oficinas, no propio Estadio Municipal de Pasarón.
A entrada para a bancada de Tribuna fixouse en 15 euros, a de Preferencia en 10 euros e os fondos 8 euros, mentres o público júnior (entre os 7 e os 18 anos) pagará 6, 5 e 4 euros respectivamente.
Pola súa banda o Arosa puxo a disposición dos seus seguidores un autobús para desprazarse ata a cidade de Lérez, sempre que se chegue á cifra mínima de 40 persoas anotadas.
Os interesados poden inscribirse chamando o 986 500 074 ou pasando polas oficinas do club.
Ademais a entidade vilagarciana publicou un vídeo no seu perfil oficial de Youtube animando os seus afeccionados para que acudan en masa ao derbi provincial coa intención de que "xoguemos outra vez de locais".
Relacionadas:
-
Pontevedra e Arosa afrontan o derbi con varias baixas
Por Diego Espiño |
-
O Pontevedra de Luisito bota o peche á súa portaría
Por Diego Espiño |
-
Quique Cubas salva un punto para o Arosa (2-2) ante o Cerceda na última xogada do partido
Por Redacción |
-
Un Pontevedra sobrio imponse con autoridade (0-1) ao Barbadás
Por Ramiro Espiño & Diego Torrado |