Promoven que o Pontillón do Castro pase a chamarse Centro Deportivo David Cal
Por Redacción
Creada e actualizada
Creada e actualizada
O adeus á alta competición por parte do deportista español máis laureado nos Xogos Olímpicos levou a que un grupo de pontevedreses promova a través das redes sociais a utilización da denominación Centro Deportivo David Cal nas instalacións para a práctica de piragüismo no encoro situado no Pontillón do Castro.
Máis de cincocentas persoas foron agregadas ao grupo público establecido na rede social Facebook dende que se iniciou este movemento o venres e xa foron numerosas as persoas que manifestaron o seu apoio a esta proposta.
Entre as máis destacadas encóntrase a de María Rey, candidata do partido Ciudadanos á alcaldía de Pontevedra nas próximas eleccións municipais. Rey manifesta que si, o merece na súa entrada na páxina da proposta.
Tras coñecerse esta iniciativa, a Federación Galega de Piragüismo anunciou que elevará unha proposta formal á Xunta de Galicia, titular das instalacións, para que cambie a súa denomicación o antes posible por ser "unha das mellores maneiras de simbolizar un lugar no que competiu tantas veces", sinalou o seu presidente Alfredo Bea.
Relacionadas:
-
SONDEXEVE, en contra do cambio de nome da pista de piragüismo de Pontillón do Castro
Por Diego Espiño |
-
A pista de piragüismo de Pontillón do Castro levará o nome de David Cal
Por Diego Espiño |
-
David Cal recibirá unha homenaxe da Xunta na entrega dos Premios Deporte Galego
Por Redacción |
-
David Cal confirma o seu adeus entre bágoas e arroupado polos seus
Por Ramiro Espiño |
-
O mundo do deporte homenaxeará o 13 de abril a David Cal trala súa retirada
Por Redacción |