Okutu, convocado por España para participar no Europeo de Seleccións en Cheboksary (Rusia)
Por Redacción
Jean Marie Okutu volverá vestir as cores da selección española de atletismo. Tras o quinto posto logrado o pasado mes de marzo no Europeo de pista cuberta, o atleta marinense volve entrar nos plans da Federación.
Ramón Cid, director técnico da Federación Española de Atletismo, incluíu a Okutu na lista de atletas que integran a selección que o noso país enviará á cidade rusa de Cheboksary con motivo do Campionato de Europa de Seleccións.
O atleta do FC Barcelona volverá representar os intereses españois na proba de salto de lonxitude.
O obxectivo do equipo español nesta sexta edición do Europeo de Seleccións, antes Copa de Europa -entre 1965 e 2008-, é manterse entre os doce mellores países do continente, evitando unha das tres últimas prazas que lle levarían directamente ao descenso de categoría.
Ata a data, dende que se compite neste novo formato no que se acumulan puntos conxuntos de homes e mulleres, o mellor posto da selección española é a sétima praza lograda en Estocolmo en 2011.
A lista completa de seleccionados pódese consultar na web da Federación Española de Atletismo.
Relacionadas:
-
Jean Marie Okutu, na busca da mínima para o Mundial de Beijing
Por Diego Espiño |
-
Pablo Dapena e Jean Marie Okutu, entre os novos recoñecidos pola Xunta como deportistas de alto nivel
Por Diego Espiño |
-
Meritorio quinto posto de Jean Marie Okutu no Europeo de atletismo en pista cuberta
Por Redacción |