Gómez Noya gaña con autoridade o Grand Prix de Dunkerque
Por Redacción
Non hai quen pare no último mes a Javier Gómez Noya. Malia estar nunha etapa de preparación para as grandes competicións o triatleta galego segue obtendo éxitos alá onde compite.
Nesta ocasión Gómez Noya gañou con autoridade o Gran Prix de Dunkerque (Francia), proba disputada este domingo na modalidade de sprint.
Saíu da auga no grupo dianteiro xunto a Shaw e Anthony Pujades para abrir oco cos seus perseguidores no tramo de ciclismo.
Tras os 20 quilómetros de bicicleta e nada máis comezar os 5.000 metros a pé, Javi marchou en solitario cara á liña de meta marcando tempo de 53:57.
Segundo foi Shaw a 1:08 e David Hauss foi terceiro a 1:15. Tamén competiron os galegos Uxío Abuín e Diego Paz, finalizando nos postos 21 e 26 pero dando o triunfo por equipos ao conxunto no que tamén milita Gómez Noya, o Sartrouville galo.
O próximo reto para Javier Gómez Noya será o Campionato de Europa que nesta ocasión se celebra en Xenebra do 10 ao 12 de xullo.
Relacionadas:
-
Javi Gómez Noya é segundo en Hamburgo e mantén o liderado nas Series Mundiais
Por Redacción |
-
Javi Gómez Noya, a polo seu cuarto Europeo de tríatlon acompañado por Pablo Dapena
Por Alejandro Espiño |
-
O Campionato de España de Acuatlón, tamén para un intratable Javier Gómez Noya
Por Diego Espiño & Diego Torrado |
-
Exhibición de Gómez Noya na casa para adxudicarse o Campionato de España Sprint
Por Redacción & Diego Torrado |