2.880 prazas para a Gladiator Race de Pontevedra
Por Redacción
Na súa primeira edición, en Santiago de Compostela, foron preto de 2.000 os valentes que se atreveron a reptar, trepar ou embarrase nos seus numerosos obstáculos, e en Pontevedra prometen máis emocións fortes.
A Gladiator Race, que se celebrará o 24 de outubro no ámbito da Illa dás Esculturas abrirá este luns o seu período de inscrición con 2.880 prazas dispoñibles.
Os participantes deberán superar un circuíto de 8 quilómetros que prometen diversión mesturando tramos de carreira coa superación de entre 25 e 30 obtáculos naturais, a maioría diferentes aos que protagonizaron a proba do Monte do Gozo.
Con todo os organizadores, a empresa AD Top Ten Sports en colaboración do Concello de Pontevedra, aseguran que haberá "barro, auga, xeo e lume", facendo honra a unha proba que está inspirada nos adestramentos militares.
A inscrición debe realizarse a través da páxina web do evento www.gladiatorrace.es, podendo anotarse os participantes de xeito individual ou en equipos de polo menos cinco integrantes.
Ao finalizar a carreira organizarase un post-evento no Recinto Feiral con música, zonas de animación e comida.
Relacionadas:
-
Chega a Gladiator Race: a Illa das Esculturas, territorio só apto para aventureiros extremos
Por Alejandro Espiño |
-
Os obstáculos da Gladiator Race de Pontevedra convencen a 2.000 persoas
Por Redacción |
-
A Gladiator Race de Pontevedra supera os 1.300 inscritos en só catro días
Por Redacción |
-
"O mellor día da túa vida... se sobrevives": A Gladiator Race elixe Pontevedra para a súa segunda edición
Por Diego Espiño |