Okutu voa ata os 8,04 metros en lonxitude pero queda a un paso da mínima mundialista
Por Redacción
Era a última oportunidade para lograr a márca mínima esixida para participar dentro duns días no Campionato do Mundo de Atletismo en Beijing, e quedou ás portas.
Jean Marie Okutu bateu o seu record galego de salto de lonxitude no control de saltos, velocidade e valos organizado pola Federación Española no Centro de Alto Rendemento de Serra Nevada, pero a marca non foi suficiente.
O atleta marinense voou ata os 8,04 metros, superando os 8,01 que eran ata o momento o seu mellor rexistro de sempre. Fíxoo no seu cuarto intento do concurso de lonxitude.
Okutu quédase así a só 6 centímetros dos 8,10 metros esixidos pola Federación Internacional, que endureceu esta tempada os criterios de acceso ás grandes competicións internacionais, e queda a expensas de poder entrar nas prazas de repesca para estar finalmente en Beijing.
Con todo o rexistro alimenta a esperanza da clasificación olímpica para Río 2016, pero para iso Jean Marie deberá chegar ata os 8,15 metros.
Relacionadas:
-
Okutu, ante o seu reto máis difícil
Por Diego Espiño |
-
Okutu, subcampión de España pero sen mínima para o Mundial
Por Redacción |
-
Jean Marie Okutu, na busca da mínima para o Mundial de Beijing
Por Diego Espiño |
-
Meritorio quinto posto de Jean Marie Okutu no Europeo de atletismo en pista cuberta
Por Redacción |