Okutu, subcampión de España pero sen mínima para o Mundial
Por Redacción
Foi de menos a máis na final de salto de lonxitude, pero non o suficiente para volver proclamarse campión de España.
Jean Marie Okutu colgouse a medalla de prata no Campionato de España que se celebrou durante a fin de semana en Castelló, superado por Eusebio Cáceres (7.90 metros) que se levou o ouro.
O atleta marinense logrou no seu sexto intento a mellor marca do día con 7.78 metros, o que o levou á segunda praza, lonxe da marca mínima para o Mundial de Beijing (8.10 metros) que era o grande obxectivo de Okutu.
CINCO FINAIS PARA ATLETAS DA GIMNÁSTICA
Despois de sete anos sumando algunha medalla no Nacional Absoluto, a Sociedad Gimnástica volveuse de baleiro de Castelló, aínda que estivo preto de conseguir subir ao podio con dous dos seus atletas.
Ignacio Sarmiento nos 400 valos e Lysvanys Pérez en salto de altura foron cuartos nas súas respectivas probas, quedando o segundo fóra do podio por un salto nulo.
Ademais Víctor Gallego foi sétimo en disco, ao igual que Julián Ortix nos 110 valos, mentres o outro posto de finalista o logrou o relevo masculino de 4x400 metros, que tamén foi sétimo.
Relacionadas:
-
Okutu, ante o seu reto máis difícil
Por Diego Espiño |
-
Okutu voa ata os 8,04 metros en lonxitude pero queda a un paso da mínima mundialista
Por Redacción |
-
Os atletas da Sociedad Gimnástica brillan na dobre Milla do Albariño, na que se impón Víctor Riobó
Por Redacción |
-
Última gran cita da tempada para a Gimnástica
Por Redacción |
-
Jean Marie Okutu, na busca da mínima para o Mundial de Beijing
Por Diego Espiño |