O Teucro vence con solvencia ao Atlético Novás (32-22) no seu segundo partido de pretempada
Por Redacción
Paso adiante do Teucro no seu segundo compromiuso amigable de pretempada, xogado este venres en Baiona ante o Atlético Novás de Primera Nacional (32-22).
Os de Quique Domínguez demostraron que empezan a coller a forma impoñendo un alto ritmo ao encontro que os do Rosal non puideron seguir.
Só durante os primeiros 10 minutos (8-7) o choque se mantivo igualado, pero ao descanso a renda azul xa era de seis goles (17-11).
O partido serviu ademais para comprobar o acoplamento das catro fichaxes, que gozaron de minutos, sendo Arkait Piriz o máis acertado deles en ataque con catro tantos, polos tres de José Manuel Rial e os dous de Balenciaga.
Ademais Gonzalo Carró xa participou co equipo tras sumarse aos adestramentos esta semana, recén chegado da súa participación con Arxentina no Mundial Júnior.
Este sábado o Teucro xogará un novo amigable, en Meaño ante o Aguas Santas portugués.
Relacionadas:
-
Dobre vitoria con boas sensacións do Teucro sobre Maia e Avanca
Por Redacción |
-
Samuel Gómez, un pivote para pechar o plantel do Teucro
Por Redacción |
-
Un triangular con acento portugués, única oportunidade para ver o Teucro na casa esta pretempada
Por Diego Espiño |
-
Os 'guerreiros azuis' preséntanse ante a súa afección convencidos das súas posibilidades
Por Cristina Saiz |
-
As caras novas do Teucro preséntanse "con ilusión"
Por Diego Espiño |
-
O Teucro iniciará a liga o 5 de setembro na casa ante o Guadalajara
Por Redacción |
-
Estrea con triunfo (30-31) do Teucro sobre o ABC Braga no primeiro amigable en Tui
Por Redacción |