Ramiro Amarelle participará co Coruxo na Copa RFEF de fútbol praia en Silgar
Por Redacción
Declarado no seu momento como mellor xogador do mundo e un dos referentes na historia desta modalidade deportiva. É Ramiro Amarelle, xogador galego, natural de Ponteceso, considerado como un mago do fútbol praia.
El será un dos grandes atractivos da Copa RFEF de fútbol praia que se celebrará a próxima fin de semana na praia de Silgar, Sanxenxo.
Malia ser o actual apoderado, ademais de xogador, do FC Barcelona, Amarelle participará na competición defendendo as cores do Coruxo vigués, segundo confirmou na presentación do evento.
"Llevo 20 años en este deporte, todo lo que sea ayudar a desarrollarlo es un placer, y aún por encima si es en casa más", explicou Amarelle.
Na Copa RFEF participarán oito equipos, que buscarán proclamarse campións de España nun sistema de competición que os divide en dous grupos de catro integrantes. Os dous primeiros de cada un pasarán a xogar as semifinais polo título.
O torneo xogarase os días 28, 29 e 30 de agosto.