O Gondomar sorprende ao Marcón na segunda metade (1-2)
Por Redacción
Duro golpe para o Marcón Atlético ante un Gondomar que mantén o ritmo dos equipos da zona alta (1-2).
Os pontevedreses adiantáronse no marcador no inicio do partido, cun temperán gol de Berto aos 4 minutos.
Tralo gol o Marcón defendeuse con acerto aguantando a súa vantaxe ata o descanso, momento no que o Gondomar moveu o banco en busca da remontada.
Os cambios no equipo visitante funcionaron e á volta de vestuarios dous futbolistas que comezaran de suplentes, como Aitor e Rubén Besada, conseguiron os tantos do triunfo.
Este resultado deixa ao Marcón na décimo cuarta praza con seis puntos.