Xornada de portas abertas no Centro Deportivo de Campolongo
Por Diego Espiño
Baile, aquagym, aero jump, fittness ou body combat para os maiores e rocódromo, tirolina ou tiro con arco para os máis pequenos. O próximo sábado día 19 de xaneiro a concesionaria do Centro Deportivo Campolongo, Serviocio, abre de balde as súas instalacións ao público nun evento "pensado para as familias", segundo o director do complexo Roberto Cancelas.
A xornada de portas abertas discorrerá entre as 10:00 e as 13:30 horas en horario matinal e de 16:00 a 20:30 horas pola tarde cun claro obxectivo "para que poidan facer deporte tódolos membros da familia xuntos e fomentar de paso que os pontevedreses coñezan o recinto".
Para participar non é necesario inscribirse previamente, como recoñece Cancelas "só hai que chegar e participar".