A xira internacional de Adrián Esperón e Patricia Martínez
Por Redacción
Adrián Esperón e Patricia Martínez non paran. Despois de lograr hai poucos días gañar a nivel de clubs e automías nos campionatos de España Standard, a parella pontevedresa fai a maleta para afrontar unha pequena xira internacional.
Canadá é a primeira e máis importante das súas paradas, e é que Patricia e Adrián teñen previsto participar desde este venres 6 de novembro e ata o domingo 8 na Copa do Mundo de Baile Deportivo, neste caso na modalidade de 10 bailes, sendo a única parella española en competición.
Vancouver acollerá o campionato, o que aproveitarán para participar tamén en dúas competicións puntuables para o ránking mundial.
Despois desta cita os actuais campións de España de baile deportivo volverán a Europa para tomar parte doutro open internacional na capital francesa, París.