Irene Trabazo recupera o liderado da Copa de España de Ciclocrós a falta dunha carreira
Por Redacción
Final de infarto o que terá a Copa de España de Ciclocrós na súa categoría junior feminina, na que Irene Trabazo loita polo triunfo.
A ciclista marinense recuperou o liderado da xeral tras impoñerse en Igorre na sétima e penúltima proba puntuable.
Trabazo foi superior aos seus rivais e marchouse en solitario para lograr o triunfo por diante da valenciana Sofía Rodríguez, a súa principal rival, que chegou a 58 segundos. Completou o podio Isabel Martín a 1:58.
Na xeral, a pesar da sanción de 25 puntos que arrastra, a ciclista do Marín-Ottoman é agora primeira con 125 puntos, os mesmos que Rodríguez, aínda que con maior número de vitorias, polo que todo decidirase na última carreira da Copa de España.
Será o próximo 13 de decembro no XX Ciclocross Internacional Ciudad de Valencia.
Relacionadas:
-
Unha caída priva a Irene Trabazo do ouro no Campionato de España de Ciclocrós
Por Redacción |
-
Irene Trabazo defende con éxito o título de campioa da Copa de España de Ciclocrós
Por Redacción |
-
Irene Trabazo reponse con outro triunfo na Copa de España de Ciclocrós que lle acerca de novo ao liderado
Por Redacción |
-
Irene Trabazo continúa intratable na Copa de España de Ciclocrós
Por Redacción |