Un torneo infantil para conmemorar o 30 aniversario do Club Voleibol Pontevedra
Por Redacción
Aproveitando o parón nas competicións de liga, o Club Voleibol Pontevedra presentou un torneo para celebrar o 30 aniversario da entidade.
Celebrarase o vindeiro sábado 26 de decembro no pavillón Multiusos da Xunqueira, coa presenza de cinco equipos de categoría infantil feminina.
Desde as 10:00 horas desenvolverase o torneo "que nace este ano co 30 aniversario pero se ten aceptación tentaremos repetilo con máis categorías", explicou o vicepresidente do club, Alberto Luna.
Tomarán parte na xornada, ademais do Club Voleibol Pontevedra, Emevé, XAV Cambados, Calasancias Coruña e Xuvenil Teis.