Emocionante final do IV Memorial Ramón Escudeiro de xadrez
Por Redacción
Contra prognóstico e grazas a unha brillante remontada durante a xornada final, o Gran Mestre galego David Lariño proclamouse vencedor en solitario do IV Torneo Internacional de Xadrez Memorial Ramón Escudeiro.
Lariño gañou con 7,5 puntos tras deixar polo camiño 1,5 puntos nas catro primeiras roldas para sumar despois cinco triunfos consecutivos, o que unido á acumulación de empates entre os favoritos levoulle á primeira praza.
Na última rolda a igualdade era máxima, con ata seis xogadores empatados con 6,5 puntos. De feito o que peor o tiña era Lariño, que debía vencer a súa partida e esperar que o resto de aspirantes asinasen táboas, como así foi.
A segunda praza da xeral tivo que resolverse aplicando os desempates, que xa cinco xogadores concluíron con sete puntos: os Grandes Mestres Strikovic, Hoffman, Starostits e Oratovsky e a nova promesa da Escola Xadrez Pontevedra, Alberto Portela.
Finalmente segundo foi Starostits e terceiro Hoffman, con Alberto Portela na sexta posición.
O Memorial Ramón Escudeiro desenvolveuse durante cinco días no Hotel Galicia Palace de Pontevedra.
Relacionadas:
-
O gratificante traballo da Escola Xadrez Pontevedra en Xordania
Por Redacción |
-
Xadrez pontevedrés con destino Xordania
Por José Alberto Graña Pérez |
-
O xadrez nacional e internacional, coa súa mirada posta en Pontevedra
Por Redacción & Diego Torrado |
-
Xogadores de 11 países converten o Memorial Ramón Escudeiro nunha referencia internacional
Por Diego Espiño |