Volve a liga Feminina 2 para un Arxil que viaxa ao País Vasco coa dúbida de Yanique Gordon
Por Redacción
O Club Baloncesto Arxil retoma este sábado (17:00 horas) en Vitoria a competición na liga Feminina 2 e faio pendente de se poderá contar cun dos seus reforzos desta tempada, a pívot xamaicana Yanique Gordon.
A xogadora aínda se atopaba este venres no seu país tentando arranxar o seu visado, tendo previsto viaxar a España durante a noite para incorporarse directamente á disciplina do equipo no País Vasco, poucas horas antes do choque.
É a previsión que manexa o club pontevedrés, pero a súa presenza no primeiro partido oficial do ano será dúbida ata última hora.
A súa ausencia sería un contratempo para Mayte Méndez, que terá á súa disposición nunha convocatoria composta por: Ana Román, Skye Rees, María Centeno, María Lago, Carla Fernández, Cristina Díaz-Pache e Fany López.
O choque, que poderá seguirse en directo a través da canle de Youtube do Araski, supón unha nova oportunidade para que o Arxil se achegue aos primeiros postos, xa que o conxunto vasco conta cun triunfo máis na clasificación que as pontevedresas.
Relacionadas:
-
Arxil leva un derbi de infarto impoñéndose pola mínima a Cortegada (56-57)
Por Redacción |
-
Un mal arranque de partido condena ao Arxil en Vitoria (64-51)
Por Redacción |
-
Ás voltas co visado de Yanique Gordon
Por Diego Espiño |
-
Baloncesto polos catro custados co XXII Torneo Cidade de Pontevedra
Por Mónica Patxot |
-
Ausencias na volta ao traballo do Arxil
Por Redacción |