A canteira da Gimnástica déixase ver en Oviedo e Calatayud
Por Redacción
A familia que forma a canteira da Sociedad Gimnástica de Pontevedra realizou un bo papel nos Campionatos de España de pista cuberta cadete e de campo a través celebrados a pasada fin de semana en Oviedo e en Calatayud, respectivamente.
No Campionato de España de campo a través celebrado na localidade aragonesa de Calatayud destaca a participación de Jorge Puig, que coa súa décimo sexta posición axudou á selección galega na consecución do título de Campión de España Júnior por autonomías.
O evento serviu para conmemorar os 100 anos deste campionato, celebrado por primeira vez en 1916. Xunto a Jorge competiron outros atletas da entidade lerezana como Rocío Rodríguez na categoría Promesa, Iván Docampo coa selección galega absoluta e Akka Essaadaoui, que axudaron a Galicia a alcanzar a undécima posición no ránking por autonomías.
Doutra banda, os atletas Marco Martínez e Pablo Tojal puideron gozar da súa primeira participación no Campionato de España Cadete de pista cuberta que tivo lugar en Oviedo. Foi notable a participación de Marco Martínez ao conseguir a sexta posición no seu terceiro intento na proba de salto de lonxitude. A continuación o atleta do equipo lerezano repetiu a sexta posición no salto de altura, debido aos dous nulos que fixo sobre os 1,72 metros.
Pablo Tojal realizou un concurso limpo na proba de salto con pértega, superando as diferentes alturas ata quedar cunha marca de 3,36 que lle permitiu lograr a decimoprimera posición.
Relacionadas:
-
Tres triunfos para atletas da Gimnástica no Trofeo Reconquista de Vigo
Por Redacción |
-
Darío Costas consegue un bronce para a Gimnástica no Nacional Junior baixo teito
Por Redacción |
-
Claudia Puig consegue a medalla de ouro no Nacional de Lanzamentos Longos
Por Redacción |
-
A Gimnástica, sexta no Nacional de clubs de campo a través
Por Redacción |