Borjas Martín non seguirá no Pontevedra ao non aceptar a oferta de renovación do club
Por Alejandro Espiño
Un novo xogador causa baixa no Pontevedra 2016-2017. O dianteiro canario Borjas Martín non continuará vestindo a camiseta granate, tras non chegar a un acordo co club para renovar o seu contrato. Así o confirmou o propio xogador a través da súa conta de Twitter, desde a que se despediu de toda a afección.
Gracias a toda la afición del @PontevedraCFSAD por el trato recibido este año que siempre recordaré! Lo mejor? Los compañeros
— borjas martin glez (@borjasmarting) 14 de junio de 2016
Borjas Martín, que chegou ao club o pasado mes de xullo procedente do Atlético Astorga, era un dos trece xogadores cos que Luisito quería contar a próxima tempada. Ofrecéuselle a renovación, pero tan só por un ano cando o xogador prefería un contrato de dous anos.
As negociacións entre ambas as partes estendéronse durante a última semana, tempo no que o xogador se desprazou a terras canarias para consultar coa súa familia. Finalmente, optou por comunicar ao club que non aceptaba a oferta.
Na actual tempada, Borjas Martín foi unha das principais referencias ofensivas do equipo granate. Marcou un total de doce goles nos 36 partidos que xogou, case un terzo de todos os tantos que anotou o Pontevedra en toda a tempada.
CAMPILLO, AO CORUXO
Os xogadores que non foron renovados comezaron a asinar por novos equipos. É o caso de Campillo que, tras a súa axitada saída do club, chegou a un acordo co Coruxo para reforzar a súa zaga para a próxima tempada.
Relacionadas:
-
Tripla fichaxe no Pontevedra, que se fai cos servizos de Abel Suárez, Iker Alegre e Jacobo Trigo
Por Diego Espiño |
-
O Pontevedra confirma o regreso de Gonzalo
Por Redacción |
-
Álex González, reforzo para a banda esquerda do Pontevedra
Por Diego Espiño | Creada e actualizada
-
David Añón, primeira fichaxe do Pontevedra
Por Ramiro Espiño |
-
Luisito, en PontevedraViva Radio: "Las bajas de Pedro García y Anxo me partieron el alma"
Por Alejandro Espiño |
-
Adrián Mouriño, Álex Fernández e Jacobo selan a súa continuidade por un ano máis
Por Redacción | Creada e actualizada