Sanxenxo acollerá ata o domingo 26 o Campionato de España de Tenis Junior
Por Redacción
A partir deste domingo 19 de xuño, as pistas do Círculo Cultural Deportivo Sanxenxo acollerán o Campionato de España de Tenis Junior 2016, un torneo no que competirán 128 xogadores representando a todas as comunidades autónomas.
A competición alongarase ata o 26 de xuño, segundo o presidente do Círculo Cultural de Nantes, Francisco Hernández e o director deportivo desta entidade, Noli Álvarez.
Disputaranse un total de 188 partidos nas categorías junior masculina e feminina, individual e dobres, en cadros de 64 e 32 xogadores respectivamente.
A organización do campionato achega o xuíz do torneo e os xuíces de cadeira, transporte dos xogadores do hotel ao CCD Sanxenxo, así como múltiples servizos entre os que destaca o de fisioterapia, piscina a xogadores, ximnasio, etc, á vez que cobre a manutención gratuíta de todos os xogadores por ser menores de 18 anos durante os días do evento.
As finais serán o sábado 25 de xuño pola tarde para dobres e o domingo 26 pola mañá para individuais.
Ao terminar cada partido entregaranse os trofeos correspondentes.