O Club Salvamento Acuático Pontevedra lánzase ao río
Por Mónica Patxot
O peirao das Corbaceiras foi escenario durante a tarde do martes dunha actividade pouco habitual a cargo do Club Salvamento Acuático Pontevedra (SAPO).
Adestradores e deportistas do club pontevedrés protagonizaron unha exhibición xunto ao Gremio de Mareantes coa intención de dar a coñecer a súa actividade, que trata de afianzarse na oferta formativa e deportiva da cidade.
Os adestradores do SAPO Sergio Bethencourt e Carlos Montero estiveron acompañados por deportistas de todas as categorías do club, desde a idade alevín ata a absoluta.
Esta exhibición en augas abertas serviu para mostrar aspectos do adestramento e actividade específica do salvamento deportivo.