Bea Gómez, resignada ante a decisión da Federación de non levala aos Xogos: "No deberían ser tan estrictos"
Por Redacción
Bea Gómez Cortés empeza a facerse á idea de que os de Río de Janeiro non serán os seus segundos Xogos Olímpicos, tras a súa participación en Londres 2012.
A nadadora pontevedresa encaixa con resignación a decisión da dirección técnica da Federación Española de Natación de non convocala a pesar de contar coa mínima olímpica nos 200 estilos.
"Me podían llevar y es un caso especial", recoñeceu Bea en declaracións á TVG na Residencia Blume de Madrid, onde adestra.
Refírese a deportista do Galaico cando fala de caso especial aos problemas de saúde superados durante o último ano (unha operación de corazón e dores de cabeza derivadas do esforzo físico) que lle impediron render ao máximo nivel na data marcada pola Federación para lograr a clasificación olímpica, o Open de Primavera.
"Sigo los criterios de la Federación Internacional de Natación, la hice en una competición oficial", asegura con respecto á mínima. Ademais, nos 200 estilos España non cubrirá as dúas prazas ás que ten dereito, pois só Mireia Belmonte acreditou a marca necesaria.
"Hay veces que no deberían ser tan estrictos con casos especiales. En esta ocasión me tocó a mí pero le puede tocar a cualquier persona, es algo que deberían cambiar para mejorar pero bueno, respeto su decisión y si creen que es mejor así pues nada", concluíu Gómez Cortés.
Relacionadas:
-
A remuda 4x200 dálle ao Galaico a súa segunda medalla nas Palmas
Por Redacción |
-
Águeda Cons, primeira medalla para o Galaico no Campionato de España
Por Redacción |
-
Oito nadadores do Galaico afrontan nas Palmas o Campionato de España de Verán
Por Redacción |
-
Impulsan unha petición popular para que Bea Gómez poida acudir aos Xogos Olímpicos
Por Diego Espiño |
-
O Natación Galaico reina de novo no Campionato Galego
Por Redacción |
-
O soño olímpico esfúmase para Bea Gómez Cortés
Por Diego Espiño |