Oito nadadores do Galaico afrontan nas Palmas o Campionato de España de Verán
Por Redacción
O Club Natación Galaico afronta desde este mércores e ata o domingo 17 de xullo una das grandes citas da tempada, o Campionato de España de Verán nas Palmas de Gran Canaria.
Oito deportistas do club pontevedrés atópanse en Canarias para participar nunha competición que contará cun grande nivel, xa que se trata da última proba oficial antes dos Xogos Olímpicos e servirá de pedra de toque para o equipo nacional.
O Galaico acode con Bea Gómez Cortés á cabeza, e é que a nadadora internacional, recuperada dos seus problemas físicos, aspira a subir ao podio nalgunhas das cinco probas que disputará, como son os 800 libre, 200 libre, 100 braza, 400 estilos e 200 estilos, distancia na que logrou a mínima olímpica pero fóra do prazo marcado pola Federación Española.
Ademais de Bea o equipo pontevedrés estará composto nas Palmas por: Paula Goyanes (400, 800 e 1500 libre, 200 bolboreta e 400 estilos), Águeda Cons (200, 400 e 800 libre e 400 estilos), Nuria Erselle (50, 100 e 200 costas e 100 e 200 libre), Inés Gómez (100, 200 e 400 libre), Lara Gómez Cortés (200 bolboreta, 400 estilos, 400 e 800 libre), Juan David Hernández (200 estilos, 100 e 200 braza) e Daniel Sánchez (200 estilos e 50, 100 e 200 costas).
Relacionadas:
-
Bea Gómez e Águeda Cons poñen o broche de ouro ao Nacional de Verán con dúas medallas máis para o Galaico
Por Redacción |
-
Águeda Cons suma a súa segunda medalla individual no Nacional de Verán
Por Redacción |
-
A remuda 4x200 dálle ao Galaico a súa segunda medalla nas Palmas
Por Redacción |
-
Águeda Cons, primeira medalla para o Galaico no Campionato de España
Por Redacción |
-
Bea Gómez, resignada ante a decisión da Federación de non levala aos Xogos: "No deberían ser tan estrictos"
Por Redacción |
-
Impulsan unha petición popular para que Bea Gómez poida acudir aos Xogos Olímpicos
Por Diego Espiño |
-
O Natación Galaico reina de novo no Campionato Galego
Por Redacción |
-
Paula Goyanes e Águeda Cons brillan no Nacional de Augas Abertas
Por Redacción |