Goleada do Sanxenxo en Porriño e empates de Portonovo e Unión Grove
Por Redacción
Con velocidade de cruceiro arrincou a competición o Xuventú Sanxenxo na Preferente, e é que despois de dúas xornadas é un dos catro equipos que sumou os 6 puntos en xogo.
Os amarelos tiveron que remontar no campo do Porriño Industrial (1-4) nunha segunda metade tola. Adiantáronse os locais no 47 pero a súa vantaxe non durou e o Sanxenxo mellorou para empatar e poñerse despois en vantaxe, con dous goles de Josiño.
Javi Prieto e Jorge Almirón completaron nos últimos minutos unha goleada que certifica o bo arranque ligueiro dos de Óscar García.
Consulta aquí o acta do Porriño Industrial-Xuventú Sanxenxo.
O que non termina de atopar sensacións é o Portonovo, que sumou o seu segundo empate nun partido sen goles ante o Alertanavia en Baltar. O punto deixa aos arlequinados na décimo terceira praza.
Consulta aquí o acta do Portonovo-Alertanavia.
Dous puntos máis arriba, aínda que cos mesmo puntos, sitúase o Unión Grove, ao que se lle escapou o triunfo no último suspiro no Monte da Vila, na visita do Nogueira de Ramuín (1-1).
Un gol de Diego Blanco no 83 para os locais parecía achegar o primeiro triunfo da tempada, pero o Nogueira conseguiu as táboas xa co tempo cumprido.
Consulta aquí o acta do Unión Grove-Nogueira de Ramuín.