Bo papel do Tenis de Mesa Monte Porreiro no torneo de casa
Por Diego Torrado
A Cidade Infantil de Príncipe Felipe foi escenario durante toda a fin de semana do XVIII Torneo Internacional de Verán organizado polo Tenis de Mesa Monte Porreiro.
O club pontevedrés logrou bos resultados nun torneo que servía ademais como pedra de toque ante o inminente inicio das diferentes ligas galegas.
O sábado competiron as categorías inferiores e o domingo foi quenda da absoluta, na que se proclamaron vencedores Jonathan Piñeiro (Oroso TM) e Noa Bernárdez (Monte Porreiro).
Ademais, en canto a club anfitrión, Noelia Santiago disputou a final feminina e Santi Prieto e Lawal Abiodum chegaron ata as semifinais.
Consulta aquí os resultados completos da xornada de sábado e da xornada de domingo.