Changui recibe o alta hospitalaria e continúa coa súa recuperación na casa
Por Diego Espiño
A familia do Club Deportivo Ribadumia recibiu este martes a mellor noticia posible. O seu capitán, Marco Yáñez 'Changui', recibiu o alta hospitalaria.
O dianteiro levaba ingresado no Complexo Hospitalario de Santiago de Compostela desde o pasado 14 de outubro, cando ingresou en coma por mor dun grave proceso infeccioso xeneralizado. Despois duns días na Unidade de Coidados Intensivos e tras responder positivamente o tratamento, continuou a súa recuperación en planta, aínda ingresado.
Agora seguirá "recuperandome poquito a poco en mi casa para volver a mi vida normal lo antes posible", sinalou o propio xogador na súa conta de Twitter.
Ahora recuperandome poquito a poco en mi casa para volver a mi vida normal lo antes posible.... Un abrazo y gracias gracias gracias gracias
— changui (@10changui10) 1 de noviembre de 2016
Ademais quixo agradecer o apoio recibido a seguidores e amigos do fútbol galego tras pasar "unos días difíciles para mí y para mi familia".
Después de unos días difíciles para mí y para mi familia quiero daros las gracias por vuestros mensajes de ánimo y muestras de cariño.....
— changui (@10changui10) 1 de noviembre de 2016
Polo momento, nin Changui nin o Ribadumia plantexan prazos para a súa volta aos terreos de xogo. Todos confían en velo en acción pronto, pero o primeiro é lograr unha recuperación plena.