Meaño, Cambados e O Grove, fieis á súa cita co balonmán internacional
Por Redacción
Por quinto ano consecutivo O Salnés gozará de balonmán internacional co V Torneo Deputación de Pontevedra, que se disputará desde este sábado 3 de decembro e ata o luns 5 en Meaño, Cambados e O Grove.
Un total de 22 equipos das categorías xuvenil, cadete e infantil danse cita nun evento que serve de preparación para as seleccións galegas para os próximos Campionatos de España.
Ademais das seleccións autonómicas de Galicia e Asturias, participarán nesta ocasión equipos de Portugal, Holanda, Grecia e Suecia.
Na categoría xuvenil masculina mediranse con Galicia e Asturias o AC Braga (Portugal) e Houten HA (Holanda), mentres na feminina farano a propio AC Braga e o IF Hellton Club (Suecia).
En idade cadete os equipos convidados son o Hellas (Graza) e AC Braga na categoría masculina e o HV Zeeburg Amsterdam (Holanda) e Targos Evo (Holanda) na feminina.
Por último na competición infantil participarán, ademais de Asturias e Galicia, o AC Braga en categoría masculina e o Forshaga Handball (Suecia) na feminina.