Paso á fronte do Marcón Atlético en Cambados e nova derrota dun Pontevedra B que non levanta cabeza
Por Redacción
O Marcón Atlético segue na pelexa pola segunda praza da Primeira Rexional tras vencer nun duelo de poder a poder no campo do Juventud Cambados (0-1).
Os pontevedreses son agora quintos, a dous puntos do segundo, tras sacar adiante un partido moi complicado, ante un rival co que chegaban empatados a puntos.
Fíxoo cun gol de Pablo nos minutos finais que desnivelou un partido que parecía encamiñado ao empate.
Consulta o acta do Juventud Cambados-Marcón Atlético.
O que non levanta cabeza é o Pontevedra B, que perdeu no campo da Seca, en Poio, ante o Amanecer do Grove (0-1) e segue na penúltima posición da táboa.
Un gol de Suso Vidal no primeiro minuto da segunda metade decantou o duelo ante un filial granate que tentou reaccionar pero non foi capaz de polo menos salvar un punto.