Unha carreira de media distancia en Nova Zelandia, primeiro test na tempada de Gómez Noya
Por Redacción
En plena fase de preparación e posta a punto, Javi Gómez Noya afronta o seu primeiro test da nova tempada participando nunha carreira de media distancia.
Tras disputar hai uns días unha proba por remudas en Bahrein xunto a Jan Frodeno e Danyela Ryf, o pentacampión mundial debutará esta campaña nunha proba individual no Half de Rotorua, Nova Zelandia.
Aproveitando que se atopa no país oceánico pasando o Nadal, Gómez Noya probará o seu estado de forma nunha carreira que se disputará este sábado 17 de decembro.
Terá que completar 2 quilómetros de natación, 90 de ciclismo e 21 quilómetros de carreira a pé nun "circuito muy bonito pero duro", tal e como recoñeceu no seu perfil da rede social Twitter.
Buen entrenamiento de natación con @annekejenkins antes del medio en el q competiré mañana en Rotorua, NZ. Circuito muy bonito pero duro! pic.twitter.com/tE8aBAZVl5
— Javi Gomez Noya (@Jgomeznoya) 16 de diciembre de 2016
Serán os primeiros pasos dunha tempada na que, ademais de novos retos, volverá participar nas Series Mundiais de tríatlon con obxectivo de conseguir o seu sexto título, competición que arrincará o próximo mes de marzo en Abu Dhabi.