VÍDEO.- 130 quilómetros e 2.700 metros de desnivel acumulado para a primeira 4 Picos Road
Por Redacción
A primeira edición dos 4 Picos Road Clásica Evaristo Portela, prevista finalmente para o próximo 18 de xuño, empeza a tomar forma.
A organziación da marcha cicloturista desvelou o percorrido da proba, que contará na súa versión máis esixente con 130 quilómetros de percorrido e 2.700 metros de desnivel acumulado debido ás ascensións aos altos de Castiñeiras, A Fracha, Acibal e Monte Castrove, discorrendo polos municipios de Pontevedra, Marín, Campo Lameiro, Moraña e Poio.
Ademais habilitarase a opción de completar o percorrido con só dous portos de montaña (67 quilómetros) ou coas tres primeiras ascensións (97 quilómetros).
Entre os aspectos destacados da carreira, non competitiva, será a de realizar unha cronoescalada no último pico, o Monte Castrove pola súa vertente da Escusa, unha subida que foi hai uns anos final de etapa na Vuelta Ciclista a España.
As inscricións para os 4 Picos Road abrirán o vindeiro venres 20 de xaneiro a través da web www.pontevedra4picos.com. Mentres tanto para abrir boca a organización, a cargo da empresa Global DxT coa colaboración do Concello de Pontevedra, publicou o vídeo promocional da súa primeira edición.
Relacionadas:
-
O mundo do ciclismo rinde homenaxe a Evaristo Portela na primeira edición da 4 Picos Road
Por Diego Espiño & Diego Torrado |
-
Preto do 700 deportistas inscribíronse xa na terceira edición da Pontevedra 4 Picos
Por Redacción |
-
A Pontevedra 4 Picos terá tamén versión en estrada coa Clásica Evaristo Portela
Por Redacción |