O mundo do ciclismo rinde homenaxe a Evaristo Portela na primeira edición da 4 Picos Road
Por Diego Espiño & Diego Torrado
A calor reinante engadiu un punto de dureza e épica á proba, pero non embazou a estrea da Pontevedra 4 Picos Road Clásica Evaristo Portela.
Máis de medio milleiro de ciclistas afeccionados protagonizaron unha espléndida xornada deportiva cunha marcha cicloturista que aspira a consolidarse no calendario autonómico.
En total, aínda que algúns ciclistas optaron por unha versión curta (65 quilómetros) ou intermedia (98 quilómetros) con dous e tres ascensións respectivamente, os corredores completaron un percorrido de 138 quilómetros con máis de 2.500 metros de desnivel acumulado.
Todo porque estaban programadas as ascensións aos altos do Lago de Castiñeiras, A Fracha, Monte Acibal e por último e como prato forte A Escusa-Monte Castrove, onde a pesar de ser unha xornada non competitiva levou a cabo unha subida cronometrada.
Os participantes puideron gozar ademais da experiencia e consellos de ex-ciclistas como Óscar Pereiro, gañador do Tour de Francia, Ezequiel Mosquera ou Moisés Dueñas, ademais de grandes deportistas como o pentacampión do mundo de tríatlon Javi Gómez Noya ou mesmo o presidente da Federación Galega de Ciclismo, entre outros.
Todos eles partiron, ben cedo, ás 9:00 horas, desde a Avenida Montero Ríos para completar o percorrido de maneira graduada desde algo antes das 12:00 horas en función da opción escollida.
A gran maioría finalizou coa satisfacción de vivir unha gran xornada na homenaxe ao director do Grupo Deportivo Supermercados Froiz, Evaristo Portela, que segundo Josevi Cimadevila, responsable da empresa organizadora Global DxT, esperan repetir o próximo ano.
Relacionadas:
-
Indurain, Pereiro, Pino e 700 valentes máis para a segunda edición da 4 Picos Road
Por Diego Espiño |
-
Miguel Induráin estará na segunda edición da 4 Picos Road
Por Diego Espiño |
-
RADIO.- A Playlist de Evaristo Portela "te va a gustar ...¡y lo sabes!"
Por Marisa Ciordia |
-
Bronce para Martín Bouzas no Campionato de España Contrarreloxo Sub-23
Por Redacción |
-
O Froiz, co Campionato de España entre cella e cella
Por Redacción |
-
Medio milleiro de participantes para a estrea da 4 Picos Road
Por Diego Espiño |
-
VÍDEO.- 130 quilómetros e 2.700 metros de desnivel acumulado para a primeira 4 Picos Road
Por Redacción |
-
A Pontevedra 4 Picos terá tamén versión en estrada coa Clásica Evaristo Portela
Por Redacción |