Bronce para Martín Bouzas no Campionato de España Contrarreloxo Sub-23
Por Redacción
Non puido revalidar Martín Bouzas o seu título de Campión de España Contrarreloxo Sub-23 na competición que se celebra durante toda a fin de semana en Soria, pero polo menos logrou subir de novo ao podio.
O ciclista do Grupo Deportivo Supermercados Froiz foi terceiro na crono celebrada este venres nun circuíto de 18,7 quilómetros e cunha temperatura próxima aos 30 graos, a pesar de comezar ás 10:00 horas.
Bouzas quedou a 13 segundos do título ao finalizar cun tempo de 25 minutos e 3 segundos.
"Estou moi contento, deino todo, penso que fixen unha crono perfecta regulando onde tiña que facelo e chegando baleiro a meta. Os rivais foron máis fortes e nada máis", sinalou o ciclista galego ao termo da proba.
O mellor dos 35 participantes foi o aragonés Jaime Castrillo (24'50''), mentres a medalla de prata foi para o seu compañeiro Sergio Samitier (24'54'').
O Campionato de España de Ciclismo en Ruta continuará durante o sábado 24 e o domingo 25 de xuño coas carreiras de fondo.
Relacionadas:
-
Novena praza para Alejandro Regueiro na sexta edición do Circuíto da Curia de ciclismo
Por Redacción |
-
O Froiz, co Campionato de España entre cella e cella
Por Redacción |
-
O mundo do ciclismo rinde homenaxe a Evaristo Portela na primeira edición da 4 Picos Road
Por Diego Espiño & Diego Torrado |
-
Pedro Merino e Martín Bouzas gañan ao sprint o campionato galego de ciclismo
Por Redacción & Diego Torrado |