Suspenden a viaxe a Palencia organizada por afeccionados que estaba patrocinado polo grupo opositor ao Consello
Por Redacción
Creada e actualizada
Creada e actualizada
O Pontevedra non estará só no seu próximo desprazamento ligueiro, o vindeiro domingo 29 de xaneiro (17:00 horas) na Nueva Balastera de Palencia, pero finalmente o único desprazamento de afeccionados será o impulsado polo club.
A viaxe organizada por un grupo de afeccionados para asistir ao encontro suspendeuse unhas horas depois do seu anuncio "para evitar malos entendidos y rencillas entre los socios", confirmou unha das encargadas do mesmo, Fátima Aboal.
O desprazamento estaba patrocinado polo grupo opositor ao Consello de Administración. En concreto contaban co apoio económico de Bateamar S.L., unha das empresas controladas polos irmáns Abal Camiña.
IMPORTANTE RENOVACIÓN NO PALENCIA
Nos últimos días o Club Deportivo Palencia, próximo rival dos granates, experimentou unha importante renovación nas súas filas. O club castelán deu ata cinco baixas e incorporou dous futbolistas, e segue traballando para lograr novas fichaxes que reforcen ao equipo na segunda parte da tempada.
Os que abandonaron o equipo son Iván Zarandona, David Durántez, Héctor Granado, Iván Murillo e Antonio Segura. Pola súa banda as recentes altas de xogadores son as de Pablo Navas, interior zurdo procedente do Torrevieja, e Pablo Gallardo, defensa central que retorna a España tras o seu paso pola liga da India.
Todo para tentar que o equipo adestrado por Óscar de Paula corte a xeira negativa que acumula de cinco derrotas consecutivas e consiga remontar posicións para escapar dos postos de descenso nos que actualmente se atopa.
Relacionadas:
-
Eneko Eizmendi é a fichaxe invernal elixida polo Pontevedra
Por Diego Espiño |
-
O Pontevedra freta un autobús para que os seus afeccionados arroupen o equipo en Palencia
Por Redacción |
-
RADIO.- Lupe Murillo aposta pola continuidade de Luisito: "El final seguro que será el que todos esperamos"
Por Redacción |
-
Os peñistas de Fondo Norte, todos a un tempo
Por Diego Espiño |
-
Un gol de fortuna decide a favor dos cántabros un extraordinario partido de Pontevedra e Real Racing (0-1)
Por Ramiro Espiño & Diego Torrado |
-
O grupo opositor a Lupe Murillo nútrese de accións que foron de Mauricio Rodríguez, Milo e Nino Mirón
Por Ramiro Espiño |
-
O Pontevedra aproba as súas contas a pesar da aparición dun grupo opositor ao Consello
Por Diego Espiño & Mónica Patxot |