O filial do Arxil xogará polo ascenso de categoría
Por Redacción
Concluída a primeira fase de competición na Primeira Autonómica feminina de baloncesto, o Arxil Mafari pasou o corte e xogará no que resta de tempada polo ascenso de categoría.
O filial do club pontevedrés derrotou na última xornada da primeira fase ao Mesón A Vila da Estrada concluíndo en terceira posición do seu grupo con 7 vitorias e 3 derrotas, só superado polo Seis do Nadal e empatado con Carmelitas.
Agora, as verdes quedou encadradas nun grupo de seis equipos nos que valen os resultados da primeira fase ante os equipos cos que coincidiron.
Desta forma o Arxil xogará soamente ante Sarria, Ferrol e La Salle, completando a fase de ascenso Carmelitas e Seis do Nadal.
Antes de comezar estes enfrontamentos a clasificación está liderada por Sarria, cun balance de 3-1, mentres Arxil, Seis do Nadal, Carmelitas e Star Center Ferrol suman 2 triunfos e 2 derrotas e La Salle de Santiago 1 vitoria e 3 derrotas.
Relacionadas:
-
O filial do Arxil ascende a Primeira Nacional
Por Redacción |
-
Xornada importante e dura proba para o Arxil, que recibe ao líder da liga
Por Redacción |
-
Derrota do Arxil na cancha do Ibaizabal vítima dun mal segundo cuarto (69-66)
Por Redacción |
-
Arxil e Cortegada disputan un derbi intenso que reengancha ás verdes (55-52)
Por Redacción |