Dominio da Gimnástica no Campionato Galego de Probas Combinadas
Por Redacción
A pista de atletismo do Centro Galego de Tecnificación Deportiva de Pontevedra foi escenario do Campionato Galego de Probas Combinadas, no que o gran protagonista foi o club local, a Sociedad Gimnástica.
O equipo masculino do club pontevedrés revalidou o seu título autonómico con 13.834 puntos grazas aos resultados de Santi Ferrer, Pablo Tojal, Raúl Cortizo e Yago Boleas.
Lideraron a competición desde o inicio, sendo Santi Ferrer o que máis puntos achegou (6.109) seguido do xuvenil Pablo Tojal (4.079) que quedou preto de realizar a mellor marca dos participantes da súa categoría. Raúl e Yago, ambos de categoría cadete, conseguiron un número de puntos menor (3.646 e 3.511 puntos) debido a que na súa categoría as probas combinadas confórmanse en oito eventos e non no decathlon habitual.
Tamén foi destacado o papel do equipo feminino que, do mesmo xeito que no campionato baixo teito celebrado en xaneiro, proclamáronse subcampioas galegas, a menos de 200 puntos do vencedor, o Riazor Coruña.
As atletas da Gimnástica realizaron varias marcas persoais, como a de Lucía Seijas e Marina Porteiro na lonxitude ou a de Paula Martín nos 800 metros, así como a mínima para participar no Campionato de España Júnior realizada por Andrea González. En total sumaron 11.109 puntos, sendo Andrea González a que máis achegou con 3.906 puntos.
Relacionadas:
-
Fría estrea de tempada para a Gimnástica en División de Honra
Por Redacción |
-
Título autonómico para a Gimnástica no Campionato Galego por equipos ao aire libre
Por Redacción |
-
A Gimnástica, dominadora do Campionato Galego de 10.000 metros
Por Redacción |
-
Resultados que reforzan o traballo de canteira da Sociedad Gimnástica
Por Redacción |
-
Andrea González consegue o subcampionato de España de lanzamento de xavelina
Por Redacción |