VÍDEO.- "Orgullosos" do labor solidario da Escola Xadrez Pontevedra en Xordania
Por Diego Espiño & Mónica Patxot
"Esperemos que sirva para polo menos aliviar a estancia dos refuxiados sirios". Con esas verbas o alcalde de Pontevedra, Miguel Anxo Fernández Lores, daba inicio a unha serie de partidas virtuais de xadrez entre xogadores da cidade e do campo de refuxiados de Azraq, en Xordania, onde a Escola Xadrez Pontevedra leva a cabo por segundo ano un proxecto de cooperación.
Desde o día 6 e ata o 17 de abril a expedición do club pontevedrés colabora no mantemento dunha escola de xadrez no campo de refuxiados, poñendo en marcha ademais un servizo de préstamo de material.
"Estamos orgullosos", recoñeceu Lores mentres dialogaba mediante unha videoconferencia coa aula de xadrez do campamento, en Xordania, prometendo manter no futuro a colaboración municipal aínda que "espero que non sexa necesario ir moitos anos máis e que haxa unha solicón para toda esa xente", defendeu.
Ademais de impartir leccións a pequenos e adultos, a Escola Xadrez Pontevedra, dentro do proxecto 'Xadrez pola Paz', levou consigo ao campo de Azraq material como taboleiros de distinto tipo, pezas, cadernos ou material escolar ou adaptado a persoas con deficiencia visual.
Relacionadas:
-
RADIO.- Os Premios Cidade de Pontevedra 2017 aúnan futuras accións en PontevedraViva Radio
Por Marisa Ciordia |
-
O 'cabezudo' de Rajoy, en Meis para denunciar que España ten bloqueados milleiros de refuxiados
Por Alejandro Espiño |
-
O xadrez toma a Praza de España
Por Redacción |
-
A segunda experiencia solidaria da Escola Xadrez Pontevedra en Xordania chega ao seu fin
Por Redacción |
-
O xadrez pontevedrés pon en xaque a difícil situación dos refuxiados de Azraq
Por Luca Yohan Silva Lamy |
-
A Escola Xadrez Pontevedra pide axuda para manter o seu proxecto solidario en Xordania
Por Redacción |
-
O gratificante traballo da Escola Xadrez Pontevedra en Xordania
Por Redacción |