David Añón e Álex González, entre algodóns
Por Redacción
Dous futbolistas centran as miradas durante a semana de traballo do Pontevedra Club de Fútbol, que o vindeiro domingo (17:00 horas) recibirá ao Coruxo no Estadio Municipal de Pasarón.
Preocupa especialmente o estado de David Añón, pichichi do equipo e do grupo I da Segunda B con 6 goles, xa que continúa recuperándose do golpe que lle impediu viaxar a pasada fin de semana en Majadahonda.
Aínda que evoluciona favorablemente, Añón segue sen adestrar ao mesmo ritmo que os seus compañeiros e mantense como dúbida para o derbi provincial.
O outro futbolista que está entre algodóns é Álex González, que este mércores traballou a menor ritmo.
Dúas dúbidas que manteñen en albas a Luisito, non en balde ambos son dous futbolistas importantes nos plans do técnico desde o inicio da tempada.
ANTE A PONFERRADINA, O DOMINGO 29
Mentres o plantel céntrase en esquecer a derrota en Majadahonda para sumar tres importantes puntos ante o Coruxo, o club granate pensa tamén no que será o próximo desprazamento, un dos máis atractivos a priori para os afeccionados pontevedreses.
O partido entre Ponferradina e Pontevedra no estadio do Toralín xogarase finalmente o domingo 29 de outubro ás 17:00 horas, unha data que facilitará a presenza de seguidores galegos nas bancadas.
Relacionadas:
-
Remontada milagrosa dun gris Pontevedra fronte un Coruxo sen puntería que merece gañar (2-1)
Por Ramiro Espiño & Diego Torrado |
-
Un derbi provincial para recuperar sensacións
Por Diego Espiño |
-
Os partidos mañaneiros atragántanselle a un Pontevedra que volve ás andadas (2-0) en Majadahonda
Por Redacción |