Támara Echegoyen, vencedora co Mapfre na segunda etapa da Volvo Ocean Race
Por Redacción
É a súa primeira participación na Volvo Ocean Race pero Támara Echoyen, primeira española que participa nesta prestixiosa regata oceánica, pode presumir xa de ser vencedora de etapa.
O Mapfre, entre cuxa tripulación se atopa a regatista pontevedresa, impúxose este venres na segunda etapa da Volta ao Mundo a Vela, despois de case 7.000 millas náuticas de percorrido entre Lisboa e Cidade do Cabo.
Tras unha gran actuación na segunda metade da etapa o barco con base no Real Club Náutico de Sanxenxo confirmou o seu triunfo ao chegar á capital surafricana á primeira hora da tarde do venres. Empregou en completar o percorrido 19 días, 1 hora, 10 minutos e 33 segundos, superando nunha intensa loita ao Dongfeng e ao Vestas, segundo e terceiro.
Toda unha experiencia para Echegoyen, que ademais foi 'bautizada' en plena travesía xunto aos seus compañeiros Blair Tuke e Ugo Fonollá, visitados como manda a tradición polo Deus Neptuno ao atravesar por primeira vez navegando o ecuador, provocando as bromas por parte do resto da tripulación.
Con este resultado o Desafío Mapfre suma 8 puntos máis (7 máis o punto extra polo triunfo de etapa) e pasa a liderar en solitario a clasificación xeral da Volvo Ocean Race.
Agora chega a quenda para descansar durante uns días e empezar a pensar na terceira etapa da competición, que arrincará desde Cidade do Cabo o domingo 10 de decembro cunha ruta prevista de 6.500 millas náuticas ata Melbourne, en Australia.
Relacionadas:
-
O Mapfre destácase na clasificación da Volvo Ocean Race tras gañar a terceira etapa
Por Redacción |
-
O Mapfre aproxímase a Melbourne defendendo o seu liderado provisional
Por Redacción |
-
Loita ao límite para o Mapfre no medio do Océano Sur
Por Redacción |
-
Loita encarnizada polo liderado na Volvo Ocean Race camiño de Cidade do Cabo
Por Redacción |
-
Igualdade máxima na segunda etapa da Volvo Ocean Race
Por Redacción |
-
O Mapfre reforza o seu liderado nas regatas costeiras da Volvo Ocean Race
Por Redacción |
-
Segundo posto para o Mapfre na primeira etapa da Volvo Ocean Race
Por Redacción |
-
O soño de participar na Volvo Ocean Race é xa unha realidade para Támara Echegoyen
Por Redacción |