Primeiros pasos na vida do Club Atletismo Rías Baixas
Por Redacción
Un novo club deportivo dá estes días os seus primeiros pasos en Pontevedra, o Club Atletismo Rías Baixas.
Nas últimas xornadas os primeiros atletas fichados polo recentemente creado club pontevedrés comezaron a participar en diferentes competicións atléticas.
Foi o caso de Blanca Fernández no tradicional Campionato Zonal de Cros Escolar, no que foi quinta na carreira sub-16 clasificándose para o provincial.
Ademais a maioría de atletas do Rías Baixas desprazáronse a Santiago de Compostela para participar no Trofeo da USC, que contou con medio milleiro de deportistas procedentes de toda Galicia.
Aínda que os resultados non foron demasiado destacados para os pontevedrese, supoñen a primeira experiencia competitiva dun novo club que espera ofrecer moito ao atletismo autonómico e pontevedrés.