Non saca proveito o Arosa dun Ourense en horas baixas (1-1)
Por Redacción
Non aproveitou o Arosa a súa visita ao Couto para conseguir os tres puntos e achegarse á cabeza no primeiro partido do ano, fronte a un Ourense en horas baixas que acumula seis xornadas sen vencer e non gaña no seu campo desde o 22 de outubro.
Seis son tamén as xornadas que o Arosa leva sen coñecer a derrota, pero con unicamente dúas vitorias e catro empates, o que impide aos de Jorge Otero recortar distancias cos postos de play-off, sempre preto, pero polo momento inalcanzables para o conxunto arlequinado.
O partido comezou ben para os visitantes cando Sidibé adiantaba aos arosistas aos 17 minutos, pero pouco durou a alegría visitante, xa que só dous minutos máis tarde Óscar Fondevila conseguía o empate para o conxunto local.
A pesar de que ambos os equipos tiveron numerosas ocasións para desnivelar a balanza, especialmente na segunda parte, o marcador xa non se movería e a repartición de puntos deixou insatisfeitos a ambos, a pesar de facer xustiza ao visto no terreo ourensán.
Consulta o acta do partido Ourense CF-Arosa SC nesta ligazón.
Relacionadas:
-
Non pode o Ribadumia co líder, o Céltiga respira a costa do Villalonga e tropeza o Arosa na casa
Por Redacción |
-
Suso Martínez desvincúlase do Arosa "por motivos persoais"
Por Redacción |
-
Sofre pero gaña o Ribadumia, empate meritorio do Villalonga e o Céltiga dá vida ao Negreira
Por Redacción |
-
Cara para Ribadumia e Arosa, cruz para Villalonga e empate de Céltiga na xornada de Terceira División
Por Redacción |
-
O Arosa denuncia a desaparición dun talonario da súa lotería de Nadal
Por Redacción |