Marín renova o seu convenio coa Federación e mantense como eixo do baloncesto galego
Por Redacción
O Concello de Marín e a Federación Galega de Baloncesto renovaron o convenio de colaboración entre ambas as institucións que permitirá manter á vila como un dos grandes centros deste deporte a nivel autonómico.
Este acordo dará amparo a unha serie de actividades e competicións ao longo do ano que promocionarán o baloncesto, empezando pola próxima fin de semana coa disputa do V Torneo de Seleccións Autonómicas de Minibásquet, os días 10 e 11 de febreiro.
Ademais Marín acollerá concentracións das seleccións galegas de categorías cadete e infantil, tanto masculinas como femininas, ou as concentracións do Colexio Galego de Árbitros de Baloncesto.
Ademais durante 2018, concretamente do 10 ao 16 de xuño, terá lugar na localidade o Campionato de España Infantil Masculino, cuxo convenio foi asinado en decembro.
En todas estas actividades involucrarase directamente o club local, o Peixefresco Marín.
O acordo foi rubricado este martes pola alcaldesa de Marín, María Ramallo, a secretaria xeral da Federación Galega de Baloncesto e a presidenta do CB Peixefresco.
Relacionadas:
-
Unha semana de baloncesto polos catro custados en Marín
Por Redacción |
-
Marín tamén quenta motores para o Nacional Infantil de Baloncesto
Por Redacción |
-
Máis de 500 participantes chegarán á cidade para o Nacional Infantil Feminino de baloncesto
-
Primeiro obxectivo cumprido para o Peixe Galego, campión da fase regular da Liga EBA
Por Redacción |
-
Un ano 2018 cargado de eventos deportivos en Marín
Por Redacción |
-
Marín repetirá en 2018 como sede do Nacional Infantil de baloncesto, esta vez masculino
Por Diego Espiño |