Primeira victoria do CW Pontevedra nas semifinais polo título de liga
Por David Arana
O sábado 3 de marzo o Club Waterpolo Pontevedra mediuse co Club Natación Coruña no primeiro encontro de semifinais de play-off polo título galego, que terminou cun resultado de 9-6 favorable aos da Boa Vila.
Os pontevedreses dominaron o primeiro cuarto do partido conseguindo 4 tantos nos últimos 3:30 minutos, o que lles permitiu realizar numerosas rotacións e manter a súa vantaxe durante os seguintes dous cuartos, chegando aos últimos dez minutos co marcador en 7-2.
Durante o último cuarto, con todo, o CW Pontevedra tivo algúns fallos defensivos que decantaron esta parte a favor dos contrarios cun resultado de 2-4, e que deixou o global en 9-6 para os pontevedreses.
Os dous equipos volverán ver as caras o vindeiro sábado 10 de marzo na Coruña, onde o CW Pontevedra tratará de sobrepoñerse aos erros do último cuarto do partido de ida e conseguir unha vitoria que lles permita meterse na final do campionato. En caso de non conseguilo os de Coruña forzarían o terceiro partido de desempate para determinar ao finalista, que tería lugar o día 17 de marzo.
CW Pontevedra (9): Pablo, Rober, Manu (1), Germán, Iago, Mauro (1), Andrés (2), Juanjo (3), Aarón (1), Bran e Alex (1).
CN Coruña (6): Ramos, Pedreira, García, Pousada (2), Escuredo, Abuin, García (2), Sánchez (2), García, Iglesias e Prieto.
Parciais: 4-1, 1-1, 2-0, 2-4