Lupe Murillo pide paciencia coa planificación do equipo: "Precipitarse tampoco es bueno"
Por Diego Espiño
Despaciño e con boa letra. Así toma o Pontevedra a planificación do equipo para a próxima tempada, ou polo menos a toma de decisións cruciais como a elección do adestrador do primeiro plantel ou as renovacións dos xogadores.
"Yo pedí 10 días, es que nunca hemos acabado la temporada tan pronto, nos faltan tres meses para volver a empezar la liga y creo que precipitarse tampoco es bueno", defendeu este venres a presidenta do Pontevedra, Lupe Murillo, na Deputación, onde se escenificou a renovación do acordo de patrocinio da institución provincial.
"Hay muchos temas estudiados, muchas cosas vistas pero evidentemente no todavía para comentar", engadiu a dirixente granate para avanzar despois que "poco a poco iréis sabiendo más cosas".
Murillo xustificou a decisión de non dar máis información sobre os movementos que se están a realizar asegurando que "queremos estudiar las cosas para hacerlo mejor". Ademais, tras un comentario da presidenta da Deputación, Carmela Silva, desexando ao Pontevedra que pelexe no futuro por obxectivos ambiciosos a dirixente do Consello de Administración granate declarou que "el Pontevedra siempre tiene objetivos ambiciosos pero el fútbol es fútbol y nunca sabes lo que va a pasar".
ACORDO DE PATROCINIO COA DEPUTACIÓN
A Deputación de Pontevedra manterase unha tempada máis como patrocinador principal do club, en virtude do acordo ratificado este venres a través dunha resolución da institución provincial.
Desta forma prolóngase unha colaboración que supón unha achega económica de 160.000 euros (193.000 euros co IVE incluído), a mesma cantidade recibida nos últimos anos.
No acto Carmela Silva aproveitou para felicitar ao club pola permanencia na Segunda División, algo "importantísimo para a provincia de Pontevedra, para a cidade de Pontevedra", asegurou antes de desexar ao club éxitos no futuro e despedir a súa intervención cun "cara adiante e como se di sempre, hai que roelo".
Relacionadas:
-
Primeiras renovacións en bloque no Pontevedra: Edu, Mouriño, Álex Fernández e David Castro
Por Diego Espiño |
-
RADIO.- Lupe Murillo abonará unha multa de 150 euros polo incidente co árbitro do Pontevedra-Adarve
Por Ramiro Espiño |
-
Luismi, tras renovar co Pontevedra: "Vamos a intentar soñar e ilusionarnos para estar lo más arriba posible"
Por Diego Espiño |
-
Luismi, renovado como adestrador do Pontevedra
Por Diego Espiño |
-
Roberto Feáns: "Me veo con todas las fuerzas del mundo y estoy muy seguro de lo que hago"
Por Diego Espiño & Mónica Patxot |
-
Traballo na sombra e ferrollo informativo cos primeiros movementos do Pontevedra
Por Diego Espiño |
-
Tempo de toma de decisións no Pontevedra
Por Diego Espiño |
-
Unha permanencia que vale máis do que parece
Por Diego Espiño |