Edu Sousa, protagonista dun campus específico para porteiros
Por Redacción
A Cidade Infantil de Príncipe Felipe será escenario do primeiro Campus Azero Porteiros Cidade de Pontevedra, que se desenvolverá do 25 ao 29 de xuño dirixida a nenos e nenas entre os 7 e os 16 anos.
Edu Sousa, porteiro e capitán do Pontevedra Club de Fútbol, será un dos protagonistas como monitor da actividade, xunto ao tamén gardameta en activo Alberto Domínguez (Coruxo) e Antonio Rodríguez, adestrador de porteiros da EF Portero 2000.
Ademais de cinco xornadas de adestramento centradas na actividade dos gardametas, os participantes recibirán charlas técnicas, sesións de vídeo e participarán noutras actividades complementarias.
O Campus Azero Porteiros Cidade de Pontevedra foi presentado na Deputación, onde sinalaron que a inscrición no mesmo manterase aberta ata o día 18 de xuño.