Desvelado o calendario de competición na Liga Feminina 2 de baloncesto
Por Redacción
Tanto o Club Baloncesto Arxil como o Cortegada xa coñece cal será o seu camiño a próxima tempada na Liga Feminina 2 de baloncesto tras o sorteo do calendario de competición.
"Será unha liga moi esixente tanto a nivel competitivo como a nivel de desgaste", recoñece Lino Vázquez desde o Arxil, que apostará ademais por un plantel curto.
O club pontevedrés contará cun inicio a priori complicado, xa que despois de debutar o 6 de outubro na casa ante o Mataró Parc Boet deberá medirse a algúns dos favoritos. Así na segunda xornada de liga visitará o último campión da liga regular, o Celta Zorka, mentres que na terceira xornada chegará o outro derbi provincial, ante o Cortegada en Vilagarcía (20 de outubro).
O outro duelo de rivalidade entre Arxil e Cortegada, no pavillón do CGTD de Pontevedra, terá lugar o día 2 de febreiro.
En canto ao club arousán, iniciará a competición precisamente ante o potente Celta Zorka, sendo o seu primeiro desprazamento outro derbi galego, na segunda xornada ante o Maristas Coruña.
A primeira volta da Liga Feminina 2 concluirá o día 12 de xaneiro, mentres que a última xornada da fase regular quedou fixada para o día 13 de abril, con partidos na casa para Arxil e Cortegada ante CBF Cerdanyola e Inmobiliaria Víctor Antuña respectivamente.
Consulta aquí o calendario completo do Grupo A da Liga Feminina 2 de baloncesto.
Relacionadas:
-
Cristina Díaz-Pache súmase á lista de renovadas no Arxil
Por Redacción |
-
María Lago, segunda confirmación no plantel do Arxil
Por Redacción |
-
Carla Fernández cumprirá a súa novena tempada no Arxil
Por Redacción |
-
Procura de apoios no Arxil para cubrir o seu orzamento
Por Redacción |
-
O Arxil viaxará na liga a Cataluña, País Vasco, Navarra, Asturias e León
Por Redacción |
-
O Arxil confirma a súa inscripción na Liga Feminina 2 de baloncesto
Por Redacción |
-
Chantel Charles non acepta a oferta de Arxil
Por Redacción |