Alexis Viéitez non dá opción aos seus rivais ao vencer nas dúas mangas finais da Subida a Ponte Caldelas
Por Redacción & Diego Torrado
Era o gran favorito e confirmou a súa condición nas dúas mangas finais disputadas este domingo. Alexis Viéitez deu un novo paso cara á consecución do Campionato Galego de Montaña de automobilismo, ao vencer con autoridade na III Subida a Ponte Caldelas, superando ao piloto ourensán Pablo Rey, que foi segundo, e que na xornada do sábado discutíralle o triunfo.
O piloto do Buxa Motor Poio dominou con autoridade a terceira manga cun tempo estratosférico de 2:05.334, superando en case oito segundos a Jacobo Senín (Outeda Racing) e deixando a Pablo Rey nun decepcionante sétimo posto, a case 20 segundos de distancia.
Recuperaría o seu papel o ourensán na cuarta e última manga, pero a súa melloría (2:08.897) só lle serviu para ser segundo no parcial, porque o de Tenorio seguiu pisando a fondo para gañar tamén a manga, cun tempo máis discreto (2:07.374), inalcanzable igualmente para todos os seus rivais, o que levaba a Alexis Viéitez ao máis alto do caixón, ao lograr as dúas mellores marcas de todos os participantes nas catro mangas disputadas, con Pablo Rey como segundo clasificado e Jacobo Senín en terceiro lugar..
Destacar de novo a gran cantidade de público que seguiu a proba, desafiando á forte calor reinante.
Os resultados completos da III Subida a Ponte Caldelas pódense consultar nesta ligazón.
Relacionadas:
-
Ponte Caldelas quenta os motores da dúa Subida máis numerosa
Por Redacción |
-
A Subida a Ponte Caldelas chega á súa cuarta edición consolidada no calendario
Por Redacción |
-
Os motores roxen na Escusa nunha nova edición da súa subida automobilística
Por Redacción & Diego Torrado |
-
A Escusa, unha subida "a lume de carozo"
Por Diego Espiño |
-
Alexis Viéitez e Pablo Rey, nun pano nas dúas primeiras mangas da Subida a Ponte Caldelas
Por Redacción & Diego Torrado |
-
Participación récord na Subida a Ponte Caldelas
Por Redacción |
-
Póker de vitorias consecutivas para Alexis Viéitez nunha renovada Subida Cidade de Pontevedra
Por Alejandro Espiño & Diego Torrado |