Simultáneas como aperitivo do Torneo Cidade de Pontevedra de xadrez
Por Redacción & Diego Torrado
O xadrez convértese en protagonista en Pontevedra no mes de agosto. Como consecuencia da celebración da sexta edición do torneo internacional Cidade de Pontevedra, preto de 200 xadrecistas procedentes de 19 países diferentes estarán na cidade entre o 8 e o 14 deste mes, grazas á iniciativa da Escola Xadrez Pontevedra, organizadora do torneo.
E como aperitivo, os organizadores decidiron sacar o seu deporte á rúa. Para iso, a praza de Curros Enríquez foi o escenario elixido na tarde deste domingo, desde as 16.30 horas, dunha exhibición de partidas simultáneas cos mestres internacionais Patricia de Lis e Antonio Frois, campión de Europa en categoría de veteranos.
Como rivais, os campións tiveron a afeccionados ao xadrez, aos que se sumaron tamén distintas persoas que se achegaron a presenciar as partidas que se desenvolveron con gran animación nos taboleiros instalados para o efecto.
Relacionadas:
-
O ruso Antón Demchenko, vencedor do VI Torneo Internacional de xadrez
Por Redacción |
-
A sexta edición do Torneo Internacional Cidade de Pontevedra, toda unha festa do xadrez
Por Redacción |
-
Pontevedra, sede do torneo de maior nivel de toda a historia do xadrez galego
Por Alejandro Espiño |
-
Grandes mestres como Demchenko e Mónica Calzetta participarán no Torneo de Xadrez Cidade de Pontevedra
Por Anxo Lourido |
-
Máis de 50 xogadores participan no II torneo de xadrez do Concello de Meis
Por Redacción |
-
Seguindo os xadrecísticos pasos de Bobby Fischer
Por Paula Sanmartín & Redacción |