O ciclocrós vólvese internacional en Marín
Por Redacción
Por primeira vez, unha proba de ciclocrós celebrada en Galicia será de categoría internacional.
Esa honra corresponde ao I Ciclocrós Internacional XaxánCX que organiza o Club Cisclista de Marín.
Despois de moitos anos de aposta decidida por esta modalidade deportiva, o Club Ciclista de Marín dá un importante paso adiante con esta cita, que se celebrará o vindeiro domingo 14 de outubro e para a que leva días traballando habilitando o circuíto de 3 quilómetros de lonxitude en Chan de Xaxán.
O evento, que dará comezo ás 9:30 horas da mañá, foi catalogado de Clase C2.
Reunirá a especialistas de gran nivel nacional e internacional, cun límite de 360 participantes e carreiras nas categorías cadete, júnior, elite e sub-23 e máster.